Կրծքագեղձի խնամքը հղիության եւ հետծննդյան շրջանում

Ինչպես հղիության նորմալ ընթացքը, այնպես էլ՝ ծննդաբերության հաջող ելքը մեծ մասամբ կախված են կնոջից: Կոնսուլտացիա հաճախելու եւ բժշկի խորհուրդները կատարելու դեպքում կարելի է կանխել այն բարդությունները, որոնք երբեմն առաջանում են հղիության եւ հետծննդյան շրջանում:

Օրինակ` պտուկները ճաքելուց եւ մաստիտից խուսափելու համար կարելի է կատարել ընդամենը մի քանի հասարակ խորհուրդներ. հղիության ժամանակ պետք է այնպիսի կրծկալ հագնել, որ կուրծքը չսեղմվի: Խորհուրդ է տրվում բարձրացնող ու ներքեւից պահող, կոշտ կտորից կարված կրծկալ հագնել (պտուկները կոշտանում են եւ հետագայում չեն ճաքում):

Երբեմն հղի կնոջ կրծքի չորացած խեժից գոյանում են կեղեւիկներ, որոնք առանց թրջելու չի կարելի պոկել: Կրծքի վրա պետք է դնել գլիցերինով թրջված թանզիֆի կտոր եւ հետո միայն հեռացնել փափկած կեղեւիկները: Անհրաժեշտ է կրծքերն ամեն օր լվանալ օճառով ու գոլ ջրով: Lավ մաքրելուց հետո չորացնել կոշտ սրբիչով:

Հարցեր, պատասխաններ, մեկնաբանություններ